Peja beson në drejtësi

Ekipi i Pejës, që u dënua me rënie në një rang më të ulët të garave nga Komisioni Disciplinor (KD) i FBK-së, pas ankesës së bërë ndaj këtij Vendimi dhe përgjigjes së Komisionit Arbitrar (KA), ka thënë se beson në drejtësi. 

KA ka refuzuar Vendimin e KD-së lidhur me rënien e Pejës në Ligë të Parë si dhe ka refuzuar ndalimin e ushtrimit të detyrës së Gazmend Pupovcit për një vjet. 

Këto pika i janë kthyer në rishqyrtim KD-së, derisa Peja ka shkruar në llogarinë e saj në Facebook kështu: 

“KB Peja vazhdon të kërkoj drejtësi dhe ka besim se kjo do të arrihet shumë shpejtë.” 

Njashtu, KA ka pranuar Vendimin e KD-së për fitore të Prishtinës në serinë finale me ç‘rast këta të fundit u shpallën kampionë.