Peja dënohet me 600, ekipet e Prizrenit me nga 200 euro!

Nga xhiroja XIX e Superligës së Kosovës në basketboll, dënime nga FBK-ja janë dhënë për ndeshjet e zhvilluara në Sezai Surroi.

Kështu, Bashkimi, që u mposht befasisht nga Lipjani ka marrë dënim prej 200 eurosh për shkak të gabimit teknik të basketbollistit të tyre, Terik Bridgeman.

Në anën tjetër, Peja, është dënuar me 600 euro, sqaron Infomatori i Superligës, për shkak të hudhjes së gjësendeve të forta, që mund të shkaktojnë lëndime.

E Prizreni, që ka qenë nikoqir në këtë ndeshje ndaj Pejës, është gjobitur me 200 euro për shkak të shërbimit të dobët të kujdestarisë në këtë ndeshje.

Në anën tjetër, në këtë ndeshje Prizreni-Peja, të cilën e ka fituar Prizreni, është parë edhe një përleshje mes publikut vendas dhe mysafir - por s’i duket kjo u cilësua si mungesë kujdestarie.