Peja, e kampiones

Derbi lokal pejan në basketboll, i kthyer në qytetin e Pejës pas diku rreth 15 viteve i ka takuar kampiones aktuale të Kosovës, Pejës.  Borozani.com

Peja ka mposhtur lehtë Besën, e cila si një skuadër e re në moshë nuk ka qenë rivale e denjë përgjatë pjesës më të madhe të ndeshjes. 

Në fakt Besa, ka rivalizuar mjaft mirë kundërshtarin e saj shumë më të fuqishëm në çerekun e parë dhe gati ka qenë për ta përmbyllur atë në epërsi, por ekipi i Danijel Lutz ka nisur të krijojë epërsi në çerekun e dytë, epërsi të cilën sa ka kaluar koha e ngritur edhe më shumë për të fituar ndeshjen me 21 pikë diferencë, 76-97. 

Kjo ka qenë fitorja e katërt e Pejës në Superligë, derisa Besa ka regjistruar humbjen e pestë nga pesë ndeshje dhe ende është në kërkim të fitores së parë në stinorin debutues të tyre në Superligë. 

Më të dalluarit në ekipin fitues kanë qenë: Fred House me 19 pikë, Vedran Morovic me 18 si dhe Valdet Grapci me 14 sosh. 

Në anën tjetër te Besa, e cila ende pret fitoren e parë ka qenë në epërsi në pesë minutat e para të ndeshjes 17-11, por pastaj gjithçka ka rënë në ujë. Sidoqoftë, basketbollistët e huaj edhe këtu kanë qenë më të dalluarit ku, Quentin Demeritte ka shënuar 25 pikë, duke qenë koshashënuesi më i mirë i ndeshjes, pastaj David King ka shënuar 21 e Kevin Dukes 13 pikë tjera në humbjen e pestë të debutuesit në Superligë.

Danijel Lutz, trajneri i Pejës, në këtë ndeshje nuk ka shfrytëzuar fare Drilon Hajrizin, Gerti Shimën, Endrit Hysenagollin dhe Rron Grapcin. 

REZULTATI, Sipas çerekëve

Besa-Peja 76-97

(24-25; 38-50; 55-73 dhe 76-97)

Statistikat individuale te Besa

1	Quentin Demeritte	25 pikë	7 asistime	4 kërcime
2	David King	21 pikë	1 asistim	4 kërcime
3	Kevin Dukes	13 pikë	6 asistime	2 kërcime
4	Dmitry Sviridov	8 pikë	1 asistim	5 kërcime
5	Arti Hajdari	4 pikë	1 asistim	1 kërcim
6	Arian Çollaku	3 pikë	1 kërcim
7	Dion Basha	2 pikë

Statistikat individuale te Peja

1	Fred House	19 pikë	1 asistim	3 kërcime
2	Vedran Morovic	18 pikë	3 asistime	1 kërcim
3	Mirza Ahmedbasic	18 pikë	3 asistime	5 kërcime
4	Valdet Grapci	14 pikë	2 kërcime
5	Samir Shaptahovic	13 pikë	2 asistime	4 kërcime
6	Georde Oduwufa	11 pikë	1 asistim	3 kërcime
7	Fahri Breca	4 pikë	1 asistim	1 kërcim