Peja fenomenale, Karagaçi i pakalueshëm për Prishtinën

Peja ka fituar ndeshjen e dytë të serisë finale duke barazuar serinë ndaj Prishtinës në 1-1. 

Mbrojtja e fortë e aplikuar nga verdhezinjtë në fillim të ndeshjes, ka lënë pa përgjigje bardhekaltërit të cilët mbetën të befasuar në parket. 

Boris Kurtovic kishte përgatitur mbrojtje serioze, derisa në sulm, Peja dukej e pamëshirshme. 

Në anën tjetër, Prishtina nuk mund të luante lojën e saj dhe përkundër tentimeve për rikthim këtë nuk e arritën.

Rrjedha

Peja ka nisur në mënyrë fantastike ndeshjen. Me 5 treshe të shënuara, kanë krijuar epërsi 31-7 në fund të çerekut të parë. Prishtina shënoi pikët e para vetëm pasi që Peja morri epërsinë prej 11-0. 

Prishtina u këndell sadopak në çerek të dytë, por nuk mjaftoi për të ngushtuar shumë epërsinë, pasi që ajo sillej rreth 20 pikëve edhe në çerekun e tretë. 

Jozo Brkic, Alban Veseli dhe Fisnik Rugova luanin nën presion të katër gabimeve personale, por me pikët e Janou Rubin dhe Nic Wise, verdhezinjtë marshonin drejt fitores. 

Prishtinën në lojë e mbante Bojan Trajkovski, i jashtëzakonshëm, derisa Dardan Berishës nuk i ecën snajperët fare, duke shutuar 6 me 1 për tre pikë. 

Lojtarët

Pesëshja bazë e Pejës, Wise, Rubin, Veseli, Hajrizi dhe Brkic - janë treguar të jashtëzakonshëm, derisa Fisnik Rugova dhe Blendi Kadusha kanë kryer detyrat e tyre nga banka për fitore të sigurtë. 

Kjo ka qenë fitorja më e lehtë e Pejës gjatë këtij stinori ndaj Prishtinës. 

Te Prishtina, dritë e vetme ka qenë Trajkovski, që shënoi 23 pikë, derisa pjesa tjetër e ekipit nuk ndezi përkundër tentimeve. 

Ndeshja e radhës e serisë finale luhet në Prishtinë, derisa kampion shpallet ekipi që arrin tre fitore së pari. 

SKEMA PLAY-OFF

Statistikat ekipore

	PEJA	SIGAL PRISHTINA
Çereku i parë	31	7
Çereku i dytë	15	22
Çereku i tretë	14	17
Çereku i katërt	20	26
Kërcime	39	31
Asistime	17	16
Bllokada	4	2
Topa të vjedhur	7	6
Topa të humbur	13	15
Tentime për tre pikë	6/28 (21%)	6/23 (26%)
Tentime nga loja	32/71 (45%)	26/59 (44%)
Gjuajtje të lira	10/12 (83%)	14/20 (70%)

Statistikat individuale te Peja

1	Nic Wise	24 pikë	3 kërcime	7 asistime
2	Janou Rubin	16 pikë	4 kërcime	5 asistime
3	Jozo Brkic	14 pikë	2 kërcime	1 bllokadë
4	Alban Veseli	11 pikë	14 kërcime	2 asistime
5	Drilon Hajrizi	11 pikë	6 kërcime	3 asistime
6	Fisnik Rugova	4 pikë	5 kërcime	2 bllokada
7	Blend Kadusha	0 pikë	2 kërcime	-

Statistikat individuale te Sigal Prishtina

1	Bojan Trajkovski	23 pikë	7 kërcime	3 asistime
2	Dardan Berisha	16 pikë	2 kërcime	3 asistime
3	Blerim Mazreku	10 pikë	7 kërcime	2 asistime
4	Jordan Hulls	9 pikë	3 kërcime	2 asistime
5	Edin Bavcic	6 pikë	3 kërcime	1 asistim
6	Edmond Azemi	4 pikë	2 kërcime	2 asistime
7	Julian Mavunga	2 pikë	4 kërcime	2 asistime
8	Leonard Mekaj	2 pikë	1 asistim	-