Peja hap dyert ndaj Istogut, hyrja falas!

Kampionja e Kosovës në basketboll, Peja ka bërë të ditur përmes një njoftimi të lëshuar në ditën e ndeshjes se përballja mes Pejës dhe Istogut në kuadër të xhiros së 19 të Superligës së Kosovës do të luhet me dyer të hapura.

Hyrja falas do të jetë për të gjithë adhuruesit e basketbollit që dëshirojnë të shikojnë ndeshjen nga afër, ndërsa dueli nis në “Karagaç” prej orës 19:00. Peja ka bilanc 13-5 para kësaj ndeshjeje, ndërsa Istogu 1-17.