Peja mposht për herë të tretë Bashkimin

Peja ka shënuar fitoren e radhës ndaj Bashkimit në Superligë. 

Verdhezinjtë kanë arritur që të mposhtin ekipin portokall-e-zi për herë të tretë këtë stinor. 

Për Bashkimin, kjo ka qenë disfata më e ulët e stiorit ndaj Pejës, me 10 pikë dallim. 

Rrjedha

Ndeshja ka qenë në pjesën e parë thuajse e barabartë, ku Peja e kreu çerekun e parë me 3 pikë epërsi, 17-14, derisa prizrenasit në disa raste dalin në epërsi gjatë çerekut të dytë, ku shkojnë në pushim prapë me disavantazh 5 pikësh, 38-33. 

Pak më shumë ‘gaz’ Peja jep në pjesë të dytë të ndeshjes për të arritur epërsinë 10 pikëshe, por edhe për ta mbrojtur atë duke përfunduar çerekun e tretë 53-43 dhe për të përcaktuar rezultatin përfundimtar 74-64 në fund, derisa Bashkimi vëreu edhe njëherë mungesën e madhe të Endrit Hysenagollit nën kosh. 

Debutoi Wise

Për Pejën sot debutoi Nic Wise, që ishte koshashënuesi më i mirë i ekipit me 17 pikë të shënuara dhe 4 asistime të regjistruara, derisa qendra kroate, Jozo Brkic regjistroi double-double prej 15 pikëve e 14 kërcimeve. 

Me këtë fitore Peja ka ngritur bilancin në 18 fitore karshi 3 humbjeve që i ka derisa Bashkimi ka pësuar humbjen e tetë karshi 13 fitoreve që i ka. 

Tabela aktuale në Superligë.

Statistikat individuale te Peja

Statistikat individuale te Bashkimi