Prishtina e Peja, shmangin njëra-tjetrën në Final Four

Mbrojtësja e trofeut të Kupës së Kosovës, Sigal Prishtina do të ndeshet me rivalen e vjetër të saj, Trepça, në gjysmëfinale të Kupës së Kosovës në basketboll, ka bërë të ditur Federata e Basketbollit të Kosovës, sot pas shortit të tërhequr. 

Në takimin tjetër, organizatori i Final Fourit, Ylli do të luajë ndaj Pejës, së cilën e fitoi së fundi në palestrën 13 qershori. 

Fituesit e këtyre ndeshjeve takohen në finalen e madhe që zhvillohet të dielën më 8 mars në Suharekë. 

Te femrat, finalja luhet në mes të Yllit dhe Prishtinës. 

Të gjitha ndeshjet do të zhvillohen në 13 qershori të Suharekës duke nisur nga 6 marsi, derisa orari i ndeshjeve do të bëhet i ditur më vonë.