Peja shpreson në Kupë

Alban Veseli, Jozo Brkic dhe Drilon Hajrizi që ishin ndër basketbollistët më të dalluar të Pejës në fitoren historike për ekipin pejan të shënuar mbrëmë ndaj Mornarit, kanë paralajmëruar se fundjava që vjen do të jetë edhe më festive për tifozët e klubit. 

“Shpresojmë se të dielën do të festojmë edhe më shumë se sonte,” ka thënë mbrëmë Alban Veseli për TV Dukagjinin. 

Ndërkaq Drilon Hajrizi bashkë me Jozo Brkicin kanë konfirmuar se Peja është në formë, duke dërguar mesazh për fitore në ndeshjet e Final Fourit të Kupës së Kosovës. 

Gjysmëfinalet e Final Fourit luhen nesër ku Sigal Prishtina ndeshet me Trepçën ndërsa Peja me Yllin. 

Finalja e madhe, luhet të dielën ku takohen fituesit e këtyre dy përballjeve.