Peja vështirëson kualifikimin

Peja ka humbur rastin të sigurojë kualifikimin për në gjysmëfinale qysh para një xhiroje. Ajo u mposht në Gjevgjelia nga rivali i drejtpërdrejtë për kualifikim, Kozuvi.

Ndeshja në të vërtetë shkoi mirë në pjesën e parë, pasi pejanët ishin ata të cilët në të shumtën e kohës ishin në epërsi.

Mirëpo, me të filluar çereku i tretë, u ndërrua edhe kahja në rezultat.

Kozuv e përmbylli çerekun e tretë me 10 pikë epërsi, 17-7, për t’u rikthyer në lojë, dhe megjithëse në fund Peja u mundua tejmase, vendasit u treguan më të përqëndruar dhe siguruan fitoren me rezultat të ngushtë 72-67.

Në këtë ndeshje për Pejën debutoi Teo Simovic, që për katër minuta sa qëndroi në fushë nuk arriti të shënoj asnjë pikë, ndërsa fare në përbërje nuk ishte Drilon Hajrizi, i cili kishte mosmarrëveshje me drejtuesit dhe trajnerin e klubit.

Nenad Delic ishte më i mirë i Pejës me 22 pikë e 15 kërcime, kurse te Kozuvi u dallua Vladimir Brchkov me 20 pikë.

TABELA AKTUALE

Tani Peja dhe Kozuvi kanë pikë të njëjta, me nga 2 fitore e 2 humbje, por skuadra maqedonase renditet para Pejës, për shkak se ka koshaverazh më të mirë në ndeshjet e ndërsjella.

Në xhiron e radhës Pejës i duhet patjetër fitorja në përballje me Sigal Prishtinën dhe njëkohësisht edhe humbja e Kozuvit përballë Levskit, në mënyrë që sigurohet kualifikimi në gjysmëfinale i verdhezinjëve.

Statistikat ekipore

	KOZUV	PEJA<./b>
Çereku i parë	16	20
Çereku i dytë	15	16
Çereku i tretë	17	7
Çereku i katërt	24	24
Kërcime	38	43
Asistime	12	11
Bllokada	2	0
Topa të vjedhur	13	9
Topa të humbur	15	20
Tentime për tre pikë	11/33 (33%)	8/31 (25%)
Tentime për dy pikë	10/27 (37%)	16/32 (50%)
Gjuajtje të lira	19/23 (82%)	11/15 (73%)

Statistikat individuale te Kozuv

1	Ryan White	8 pikë	6 kërcime	3 asistime
2	Vladimir Brchkov	20 pikë	6 kërcime	1 asistim
3	Stojan Gjuroski	6 pikë	2 kërcime	-
4	Aleksandar Sterjov	4 pikë	5 kërcime	1 asistim
5	Aleksandar Radulovic	0 pikë	2 kërcime	-
6	Brandon Penn	16 pikë	7 kërcime	1 asistim
7	Ivan Todorovic	3 pikë	3 kërcime	-
8	Aleksej Nesovic	15 pikë	3 kërcime	4 asistime

Statistikat individuale te Peja

1	Nenad Delic	22 pikë	15 kërcime	3 asistime
2	Kevin Burwell	19 pikë	6 kërcime	2 asistime
3	Nicholas Covington	10 pikë	3 kërcime	2 asistime
4	Ronald Davis	7 pikë	7 kërcime	2 asistime
5	Rron Grapci	6 pikë	3 kërcime	1 asistim
6	Alban Veseli	3 pikë	3 kërcime	1 asistim