PRISHTINA
BOROZANI/ Erdis Driza/ Arkiv
Recital nga Berisha, Prishtina siguron kreun
9 March, 2016 @18:04
Sigal Prishtina me fitore e sotme në Sofje të Bullgarisë ndaj Levskit, ka siguruar vendin e parë në grupin D.
Ekipi i Constantinidesit pasi kishte siguruar kualifikimin në gjysmëfinale xhiron e kaluar, në këtë ndeshje doli në fushë pa presion të madh.
Megjithatë, dallimi i madh në cilësi ndërmjet dy skuadrave u vërejt qysh në çerekun e parë, të cilin Prishtina e përfundoi me epërsi prej 11 pikëve, 22-33, ndërsa 16 pikë vetëm gjatë kësaj periudhe u shënuan nga i disponuari për lojë, Dardan Berisha.
Berishës në çerekun e dytë iu bashkangjit edhe amerikani Andrew Warren, ku që të dy bombardonin nga vija e trepikëshit për ta thelluar edhe më shumë epërsinë, e cila arriti deri në 26 pikë, 29-55.
Për Levskin ky ishte disavantazh tepër i thellë për ta përmbysur krejtësisht, megjithëse arriti ta zvogëlojë deri diku, dhe në fund Prishtina u nda me fitore pranë rezultatit 75-103.
Më i dalluari në fitoren e Prishtinës ishte Dardan Berisha, i cili shkëlqeu me 42 pikë, prej të cilëve 8 treshe, ndërsa te vendasit u dallua Aleks Simeonov, që luajti 20 pikë.
Kjo ishte fitorja e shtatë rresht e Sigal Prishtinës në Ligën Ballkanike, përfshirë këtu edhe ndeshjet e fazës së parë, ndërsa për Levskin kjo është humbja e katërt në fazën dytë, që i minimizon gjasat për kualifikim në gjysmëfinale.
Statistikat ekipore
| LEVSKI | SIGAL PRISHTINA | ||
| Çereku i parë | 22 | 33 | |
| Çereku i dytë | 13 | 25 | |
| Çereku i tretë | 25 | 20 | |
| Çereku i katërt | 15 | 25 | |
| Kërcime | 33 | 38 | |
| Asistime | 20 | 27 | |
| Bllokada | 2 | 6 | |
| Topa të vjedhur | 6 | 12 | |
| Topa të humbur | 16 | 15 | |
| Tentime për tre pikë | 9/34 (26%) | 15/29 (51%) | |
| Tentime për dy pikë | 22/38 (57%) | 27/43 (62%) | |
| Gjuajtje të lira | 4/5 (80%) | 4/4 (100%) |
Statistikat individuale te Levski
| 1 | Evgeni Hadzhirusev | 0 pikë | 1 kërcim | - |
| 2 | Aleks Simeonov | 20 pikë | 10 kërcime | 6 asistime |
| 3 | Krum Doychinov | 17 pikë | 5 kërcime | 3 asistime |
| 4 | Stanislav Slaveykov | 14 pikë | 3 kërcime | 3 asistime |
| 5 | Yordan Minchev | 2 pikë | 2 kërcime | 1 asistim |
| 6 | Deyan Karamfilov | 5 pikë | 2 kërcime | 3 asistime |
| 7 | Ventsislav Petkov | 9 pikë | 3 kërcime | 2 asistime |
| 8 | Ivko Ivkov | 8 pikë | 4 kërcime | 2 asistime |
Statistikat individuale te Sigal Prishtina
| 1 | Dardan Berisha | 42 pikë | 6 kërcime | 4 asistime |
| 2 | Andrew Warren | 23 pikë | 4 kërcime | 3 asistime |
| 3 | Jason Washburn | 18 pikë | 6 kërcime | 3 bllokada |
| 4 | Willie Kemp | 8 pikë | 5 kërcime | 10 asistime |
| 5 | Stanimir Marinov | 4 pikë | 5 kërcime | 4 asistime |
| 6 | Gerti Shima | 2 pikë | 6 kërcime | 5 asistime |
| 7 | Blerim Mazreku | 2 pikë | 2 kërcime | 1 asistim |
| 8 | Rinor Peci | 2 pikë | 1 kërcim | - |
| 9 | Edmond Azemi | 2 pikë | - | - |
