Spurs, pa telashe ndaj Wolves

Ettore Messina e ka ditur se nuk do të ketë të vështirë zëvendësimin e Gregg Popovichit përkohësisht. 

“Kjo është një makinë e mbajtur mirë dhe vajin më të mirë në motor. Ulesh në timon dhe vetëm vazhdo, nuk ka çka të shtosh tjetër,” ka thënë ndihmës trajneri i San Antonio Spursit, Messina, pas ndeshjes së fituar të ekipit të tij në përballje ndaj Minnesota Timberwolves. 

Lamarcus Aldridge shkëlqeu në fitore duke shënuar 29 pikë dhe duke regjistruar 7 kërcime në këtë përballje, ndërsa pas tij për nga efikasiteti u dalluan edhe Daniel Green me 18 e Kawhi Leonard me 15 pikë të tjera të shënuara. 

Te ujqit, 23 pikët dhe 8 kërcimet e Andrew Wigginsit shkuan kot, derisa ekipi nuk arriti ta parandalojë humbjene e 45-të të stinorit. 

Pas kësaj ndeshjeje Spurs ka bilanc 54-10 duke qenë ekipi me bilanc të dytë më të mirë në ligë këtë stinor, ndërsa ëolves po vazhdon stinorin e dobët me 20-45 aktualisht.