PENZA - KERASAN PRISHTINA
Penza nuk e humb hapin për Play Off
17 February, 2019 @18:31
Penza nuk gaboi në ndeshjen përballë Kerasan Prishtinës.
Skuadra pejane e mposhti kundërshtarin me rezultat 110-60.
Dhjetë minutshi i parë i ndeshjes kaloi ngushtë, por dallimi u bë në çerekun e dytë, ku Penza shënoi 40 pikë dhe kështu e mbajti epërsinë deri në fund për ta regjistruar fitoren e radhës.
Shtatë lojtarë te Penza luajën me pikë dyshifrore, kurse më i dalluari ishte Shpend Gashi me 15 pikë e 11 asistime, derisa te Kerasan Prishina u dalluar Kujtim Ujkani me 17 pikë.
Kjo ishte fitorja e gjashtë e Penzës krahas shtatë humbjeve që i ka dhe aktualisht gjendet në pozitën e pestë, kurse Kerasan Prishtina ka bilanc prej 3 fitoreve e 10 humbjeve.
