Për herë të parë me bilanc pozitiv

Njëra prej skuadrave më në formë në Superligë, Ylli, po vazhdon të tregojë rezultate të mira.

Ekipi nga Suhareka me fitoren e fundit ndaj Besës në Pejë, numrin e fitoreve dhe të humbjeve në Superligë i ka shndërruar në të mirë të fitoreve, për herë të parë në këtë stinor.

Ylli, që nga java e 13-të kur kishte vetëm katër fitore dhe nëntë humbje, nuk ka pësuar humbje asnjëherë, duke e mposhtur me rend Trepçën, Bashkimin, Kastriotin, Vëllaznimin, Pejën dhe së fundi Besën.

Suharekasit ishin mposhtur në ndeshjen e parë të këtij stinori nga Bashkimi, dhe që nga ajo kohë e deri më dje, numri i humbjeve ka qenë më i madh ose i barabartë me numrin e fitoreve.

Për ta vazhduar serinë e fitoreve, djelmoshat e trajnerit Agron Berisha duhet ta fitojnë ndeshjen e radhës që do të luajnë kundër Sigal Prishtinës në Suharekë, skuadër kjo e cila deri më tani është mposhtur vetëm një herë, dhe atë nga rivali i drejtpërdrejtë për titull, Peja.

Tabela aktuale në Superligë.