Për vazhdim të serisë

Sigal Prishtina pret sonte Levskin 2014 në Pallatin e Rinisë dhe të Sporteve, ku kërkon të vazhdojë serinë prej 8 fitoreve me radhë të arritur që nga fillimi i këtij viti prej se në krye të saj erdhi Antonis Constantinides. 

Bardhekaltërit, që janë edhe kampionë aktual të BIBL, janë favorit për këtë ndeshje, edhepse Levski 2014 kishte befasuar Pejën në duelin e parë të Grupit D. 

TABELA AKTUALE E GRUPIT 

Qiprioti ka sjellë një frymë të re në skuadër dhe përforcimet e reja të skuadrës Kemp dhe Warren, bashkë me Washburnin në formë, po tregojnë performanca të mira. 

Në anën tjetër, te ekipi nga Sofia, Simeonov është lojtari më i mirë i tyre, që din të udhëheq e motivojë ekipin drejt fitores. 

Të dyja skuadrat ia kanë nis Grupit D me fitore, ku Prishtina mposhti Kozuvin si mysafir, ndërsa Levski Pejën, gjithashtu si mysafir. 

Ndeshja referohet nga treshja: Igor Dragojevic, Zdravko Rutesic dhe Milosav Kaludjerovic dhe nis në 19e30 sonte.