Përfundojnë derbit me fitore

Peja është njëra ndër skuadrat që ka orarin më të papërshtatshëm në BKT Superligë. Basketbollistët e udhëhequr nga kroati Rudolf Jugo, që nga fillimi i stinorit pranveror, kanë radhazi katër ndeshje të vështira, ku së pari luajnë me RTV 21, pastaj radhazi tre derbi të TOP katërshes, duke filluar me Sigal Prishtinën, Trepçën e duke e përfunduar me Bashkimin. 

Mirëpo, çka vlen kjo kur të verdhit e Pejës, kanë në ekip super Dardan Berishën, pastaj Gerti Shimën dhe përvojën e Samir Shaptahovicit, pa i përmendur basketbollistët tjerë që natyrisht kanë meritat e veta. 

Kështu, me fitoren e mbrëmshme ndaj Bashkimit në Karagaç, Peja ka kaluar këtë cikël të ndeshjeve të vështira kampionale duke shënuar fitore te të gjitha ndeshjet dhe ka vazhduar pa kontestueshëm lidershipin në tabelë dhe rrugën drejt titullit të kampionit. 

Derisa skuadrat tjera si Sigal Prishtina, Trepça dhe Bashkimi ende duhet të luftojnë në derbi mes vete, Peja do të zhvillojë e qetë ndeshjet me tre skuadrat e fundit në tabelë për të pritur ciklin e derbive gjatë muajit prill para Play-Offit. 

4 DERBI/ 4 FITORE NË PRANVERË