Përkundër humbjes, Juventusi kalon në finale

Falë fitores 3-1 së shënuar në ndeshjen e parë, Juventusit nuk i ka prishur punë humbja e pësuar sonte në ‘Sao Paolo’ dhe kështu është kualifikuar në finale të ‘Coppa Italia’.

Ndeshja e zhvilluar sonte ishte tejet atraktive dhe dhuroi plot 5 gola, ndërsa përkundër paraqitjes shumë të mirë dhe fitores së arritur, Napoli nuk e arrin kualifikimin.

Golat e napolitanëve sonte u shënuan nga treshja e zakonshme Hamsik, Mertens e Insigne, derisa për ‘Zonjën e Vjetër’ dy herë shënoi Gonzalo Higuain, argjentinasi që te Juve kaloi pikërisht nga Napoli.

Në finale Juventusi do të takohet me Lazion, që mbrëmë e eliminoi Romën.