Prej Bashkimit në Gjermani

Dustin Mitchell, njëri ndër basketbollistët më të mirë të viteve të fundit që kishte arritur në Bashkimi dhe në Kosovë në përgjithësi - nuk do të kthehet më në Prizren dhe në Superligën e basketbollit të Kosovës.

Ai pak më parë ka bërë të ditur në profilin e tij në Facebook se që nesër do të niset për në Gjermani. Ndërsa nga burimet e brendshme të Bashkimit emri i ekipit nuk bëhet i ditur, por se thuhet të jetë nga liga e dytë gjermane. 

Mitchell 25 vjeçar ka qenë lojtari më i mirë i Bashkimit në stinorin vjeshtor dhe gati çdo javë ka qenë në pesëshen e parë të BKT Superligës së Kosovës.