Prezentohet Gëzim Morina

Kampionia e Kosovës dhe e ligës ballkanike, Sigal Prishtina, sot ka prezentuar përforcimin e ri të skuadrës, Gëzim Morinën. 

Morina, 22 vjeçar, luan në pozitën e  qendrës dhe alo-qendrës, derisa është rritur si basketbollist në Slloveni ku ka arritur sukses të madh me Heliosin. 

“Jam i lumtur që kam arritur marrëveshje me Sigal Prishtinën. Ka qenë ëndërr e imja të luaj dikur këtu dhe tani po paraqitet rasti në një moment të mirë për të dytë,” ka thënë ndër të tjera Morina në konferencë për shtyp sot. 

Mesatarja e pikëve të tij në stinorin e kaluar në ligën sllovene ka qenë 9.4 pikë për ndeshje, 5.6 kërcime dhe 1.1 asistime. 

Ai është përforcimi i dytë zyrtar i Sigal Prishtinës në këtë stinor pas maqedonit veteran Gjorgji Cekovski.