Prishtina bindëse, kampioni shpallet në Karagaç

Seria finale e Play Offit është barazuar në 2-2 me fitoren e sontme të Sigal Prishtinës në ndeshjen që u zhvillua në Pallatin e Rinisë dhe të Sporteve në Prishtinë.

Ndryshe nga ndeshja e fundit në Karagaç, Prishtina tregoi lojë shumë më të mirë, duke pasur epërsi që nga fillimi i ndeshjes me anë të pikëve të Dardan Berishës.

Prishtina e përmbylli çerekun e parë me tre pikë epërsi 19-16, ndërsa në gjysmë të çerekut të dytë epërsia u bë dyshifrore.

Nga ai çast, dallimi gjithmonë mbeti me pikë dyshifrore, derisa maksimumi u arrit kah fundi i cerekut të tretë, kur Prishtina pati 26 pikë më shumë se Peja, 61-35.

Peja e filloi çerekun e fundit pa Drilon Hajrizin, që u ndëshkua me 5 gabime personale, sikurse edhe Kevin Burwell që shkaktoi gabimin e pestë qysh në minutën e parë të çerekut të katër.

Në mungesë të tyre dhe epërsisë së thellë, Prishtina e priti finishin e qetë, për fitoren me rezultat 80-55.

Rezultati i serisë finale të Play Offit

Te ekipi nga kryeqyteti në këtë ndeshje u rikthyer basketbollisti amerikan, Mohamed Abukar, i cili nuk kishte luajtur në dy ndeshjet e fundit për shkak të lëndimit, ndërsa takimin e sotëm e përmbylli me 6 pikë.

Koshashënuesi më i mirë i takimit ishte Dardan Berisha që shënoi 24 pikë, kurse te Peja u dallua Alban Veseli me 13 pikë.

Në Karagaç, finalja e serisë finale

Në fundjavë do të zhvillohet edhe ndeshja e pestë dhe e fundit e serisë finale të Play Offit, ku kampioni i Kosovës do të mësohet pas ndeshjes që do të luhet në palestrën Karagaçi.

Statistikat ekipore

KB SIGAL PRISHTINA

KB PEJA