BIBL SYNIM
Foto: balkanleague.net
Prishtina dëshiron hat-trick të titujve në BIBL
15 August, 2016 @19:55
Skuadra e Sigal Prishtinës ka konfirmuar pjesëmarrjen për vitin e katërt me radhë në ligën ballkanike, ka bërë të ditur faqja zyrtare e kësaj lige sot.
Me këtë, si kampione aktuale dhe e një stinori më parë, Sigal Prishtina po synon hat-trickun e titujve të kampionit në këtë ligë.
BIBL ka bërë të ditur gjithashtu se është duke e pritur pëlqimin e FBK-së për të përfunduar edhe procedurat administrative sipas Rregullores së ligës për pjesëmarrjen e Prishtinës.
Deri më tani 3 skuadra kosovare janë konfirmuar nga liga ballkanike si pjesëmarrëse për stinorin 2016/17: Sigal Prishtina, Peja dhe Trepça (që pritet të debutojë këtë stinor aty).
Skuadra e Bashkimit nga Prizreni që debutoi në stinorin e kaluar në BIBL, ende nuk është pronocuar për BIBL.
