GRUPI B - RIO 2016
Nigeria befason Kroacinë
14 August, 2016 @11:05
Basketbollistët e Nigerisë kanë regjistruar fitoren e parë në Lojëra Olimpike sot, duke e mopshtur Kroacinë pas një ndeshjeje ku punuan snajperët.
Kjo ka qenë njëra ndër befasitë më të mëdha në Rio 2016, ndërsa kampionët e Afrikës me këtë fitore kanë shpresa për të kaluar në çerekfinale të Olimpiadës së Rios.
Michael Umeh ka qenë i pakapshëm për Kroacinë në pjesën e parë, kur shënoi 5 treshe nga 8 tentime dhe me 16 pikë total në 20 minutëshin e parë, përmbysi avantazhin kroat në 43-39 për nigerianët.
Momenti kyq i ndeshjes mund të thuhet se ishte te rezultati 74-71 për Nigerinë, kur Bojan Bogdanovic afroi rezultatin në tre pikë, ndërsa që në sulmin tjetër Josh Akognon qëlloi treshe për të marrë serinë 11-3 deri në fund të ndeshjes dhe për të regjistruar fitoren e parë.
Treshja Umeh, Akognon dhe Ebi Ere në total kanë shënuar 13 treshe nga 21 tentime, ndërsa Nigeria tash ka bilanc 1-3 para dueleve të fundit në Grupin B.
Në duelin e fundit të Grupit B, Nigeria do të luajë ndaj nikoqirit, Brazilit. Ndërsa Kroacia ndal Lituanisë.
