Të rinjtë e Kosovës, mposhtin Norvegjinë

Basketbollistët e Kosovës U16 me një lojë të mirë të treguar posaçërisht në çerekun e parë dhe atë të fundit, kanë arritur fitoren e parë në europianin e grumposhave nën 16 vjet të divizionit B, që po mbahet në Bullgari.

Të drejtuar nga tekniku amerikan, Chris Dial dhe ndihmësi i tij, Edin Kërveshi, nën lidershipin e Dardan Kapitit dhe Andi Vrapçanit në fushëlojë, Kosova ka mposhtur Norvegjinë 66-53 në ditën e dytë të europianit.

Kapiti dhe Vrapçani përfunduan ndeshjen me double-double. I pari shënoi 21 pikë e 15 kërcime, ndërsa i dyti 21 pikë e 10 kërcime në fitore.

Përveç tyre vetëm edhe E Sholla ka shënuar pikë dyshifrore, 13. Sa i përket lojtarëve kosovarë në fushë, trajneri Dial nuk e ka lënë asnjërin pa e shijuar ndeshjen, ku çdo basketbollist ka qenë në fushëlojë së paku 5 minuta.