Vizioni i basketbollit të Shqipërisë

Reprezentacioni A i Shqipërisë në basketboll do t’i kthehet basketbollit për herë të parë pas vitit 2012.

Në një artikull të botuar në faqen zyrtare të FIBA-së, përzgjedhësi i kombëtares shqiptare, Antonis Constantinides, që njihet mirë në opinion për shkak se stinorin e kaluar drejtoi Sigal Prishtinën drejt trofeve, ka treguar vizionin e basketbollit të Shqipërisë.

“Stërvitjet kanë filluar më 31 korrik dhe Federata Shqiptare e Basketbollit (FSHB) ka bërë një përafrim profesional në këtë drejtim duke ndërtuar kushtet fillestare për punë me të rinjë dhe për përparim,” ka thënë Constantinides.

“Ne duam të dëshmojmë se lojtarët që marrin pjesë sot në kombëtaren shqiptare kanë të ardhme, pasi që po fillojmë me ndërtimin e themeleve të forta në këtë drejtim. Në të njejtën kohë, duam t’i tregojmë lojtarëve shqiptarë që kanë ardhur nga jashtë se kësaj radhe Shqipëria po punon seriozisht në basketboll,” ka shtuar strategu qipriot.

Koshashënuesi më i mirë i kualifikimeve për Eurobasket 2013, Gerti Shima, është kthyer në përfaqësuesese dhe bashkë me Herion Faslijën, Algert Gjonajn, Red Voglin dhe Marsel Aliajn e Genti Laskun janë pjesë e listës prej 19 lojtarëve që do të luftojnë për 12-shen përfundimtare para kualifikimeve.

Shqipëria e pranon se është autsajder në kualifikime për Eurobasket 2017 në Grupin F ku bëjnë pjesë edhe Gjeorgjia, Mali i Zi e Sllovenia.

“Këtë verë rezultatet nuk janë të rëndësishme për ne. E dimë se do të jetë ekstremisht vështirë për të arritur diçka, ose për të kryer kualifikimet në dyshen e parë të Grupit F, por lojtarët duhet të dinë tutje se çka duhet bërë për të arritur sukses në të ardhmen,” ka treguar Constantinides ambiciet e tija.

Ai ka falenderuar edhe shtabin teknik të tij që po punon palodhshëm për të arritur objektivat fillestare.

“Me fjalë nuk mund të them të gjitha falenderimet për punën që po e bëjnë Afrim Bilalli, Endri Rumani e Albert Sylejmani me lojtarët çdo ditë. Ndërsa lojtarët, janë duke punuar tepër,” ka cekur qiprioti që në stinorin vijues do të jetë pjesë e elitës greke me ekipin Rethymno nga Kreta.

Lista e Constantinidesit