GRUPI B - RIO 2016
Gasol perfekt, Spanja turpëron Lituaninë
14 August, 2016 @10:59
Përfaqësuesja e Spanjës në basketboll, pas startit pa fitore në Rio 2016, ka marrë veten dhe tashmë po marshon me hapa të mira drejt çerekfinales.
Sot, spanjollët kanë shkatërruar Lituaninë, që ka qenë ekipi i vetëm në Grupin B pa humbje. Dhe atë çfarë shkatërrimi se! 50 pikë diferencë!!!
Pau Gasol ka luajtur me efiçencë 34, duke shënuar 23 pikë, 5 kërcime, 5 asistime, 2 topa të vjedhura, 2 bllokada dhe me precizitet 5 nga 5 për tre pikë!
E Spanja mposhti Lituaninë 109-59. Tash Spanja ka bilanc 2-2 në Grupin B, ndërsa Lituania 3-1, një xhiro pa përfunduar faza grupore.
