Prishtina dhe Peja në BIBL, por pejanët duhen shlyer borxhet

Federata e Basketbollit të Kosovës ka paraqitur kampionene Sigal Prishtinën dhe Pejën si pjesëmarrëse për Balkan League në stinorin e ardhshëm 2014/15. 

Sidoqoftë, derisa për Sigal Prishtinën duket se nuk ka problem, Peja do të duhet të shlyejë obligimet financiare ndaj FBK-së dhe BIBL-it para se të merr pjesë në këto gara - shkruan faqja zyrtare e ligës ballkanike sot. 

Gjithashtu, në njoftimin e saj BIBL thekson se nëse kjo pikë, që është më e rëndësishmja nga të gjithat nuk plotësohet, atëherë do të mirren parasysh edhe tre skuadra tjera kosovare që kërkojnë pjesëmarrjen në BIBL.