KBF PRISHTINA - KBF VËLLAZNIMI
Prishtina e pamëshirshme, seria e fitoreve ngritet në 18
13 March, 2022 @21:11
Liderja e Ligës së Femrave, Prishtina, e kaloi me lehtësi pengesën e Vëllaznimint, duke e mposhtur me rezultat 114-40.
Siç është pritur ashtu edhe ndodhi, në asnjë moment prishtinaset nuk e lëshuan epërsinë në ndeshje.
Tynice Martin ishte koshashënuesja më e mirë me 21 pikë, kurse u dalluan edhe Sumeja Kosumi me 16 pikë e 12 kërcime, Marigona Rushiti me 15 pikë dhe përofrcimi i ri Stasha Carey me 14 pikë e 13 kërcime.
Te Vëllaznimi e vetmja që u veçua dhe shënoi më shumë se gjysma e pikëve të skuadrës ishte Kendra Williams. Ajo luajti me 26 pikë, por nuk mjaftoi për ta befasuar Prishtinën.
Prishtina me 18 fitore e 0 humbje gjendet në maje të tabelës, kurse Vëllaznimi me 4 fitore e 14 humbje gjendet në pozitën e pestë.
Në xhiron tjetër Prishtina takohet me Bashkimin, kurse Vëllaznimi përballet me Trepçën.
