VUSHTRRIA - PRISHTINA E RE
Prishtina e Re në super formë, vazhdojnë fitoret
25 January, 2022 @20:53
Prishtina e Re, formën e mirë e tregoi edhe në ndeshjen kundër Vushtrrisë, duke e mposhtur kundërshtarin me rezultat 70-86.
Me përforcimet e reja në afatin kalimtar, (Don Polloshka e Dion Haxhosaj), Prishtina e re po vazhdon me fitore në stinorin pranveror.
Dion Haxhosaj ishte më i miri te Prishtina e Re me double-double prej 26 pikëve e 16 kërcimeve. Me double-double luajti edhe Don Polloshka (17 pikë e 14 asistime).
Te skuadra prishtinase u dallua edhe Arbër Sinani me 25 pikë.
Në anën tjetër te Vushtrria me nga 15 pikë luajtën, Engjëll Ramaj, Erhan Sholla e Blendi Mehana, por nuk mjaftoi për fitore.
Që të dyja skuadrat i kanë nga 7 fitore e 4 humbje.
Në xhiron e 12, Prishtina e Re takohet me Istogun, kurse Vushtrria me Borean.
