VËLLAZNIMI
Seria ngritet në 11 fitore rresht
25 January, 2022 @19:59
Lideri i Ligës së Parë në basketboll, Vëllaznimi, po vazhdon me fitore.
Viktima e radhës ishte Marigona Hill Prishtina, që e mposhti me rezultat 90-82.
Skuadra prishtinase e kishte epërisinë prej 12 pikëve në çerekun e parë, por më pas Vëllaznimi e barazoi rezultatin në çerekun e dytë, derisa e kontrolloi ndeshjen në çerekun e tretë dhe të katërt për ta regjistruar fitoren e radhës.
Bardhi Rexha ishte më i dalluari me double-double prej 19 pikëve e 16 kërcimeve, derisa u dalluan edhe Michael Green me 15 pikë dhe Besnik Azemi me 13 pikë e 15 kërcime te Vëllaznimi.
Në anën tjetër te MH Prishtina u veçuan, Donat Rexhepi me 26 pikë, Eliot Peci me 24 pikë dhe Arbnor Haliti me 17 pikë.
Vëllaznimi me 11 fitore e 0 humbje është skuadra e vetme pa humbje në Ligën e Parë, derisa MH Prishtina ka bilans prej 3 fitoreve e 8 humbjeve.
Në xhiron tjetër Vëllaznimi takohet me Dardanët, kurse MH Prishtina me New Basketin.
