GAME 3: BASHKIMI - PRISHTINA
Prishtina eliminon kampionin, 3-0
28 April, 2019 @19:17
Nënkampionja e Kosovës, Prishtina, e eliminoi kampionin aktual Bashkimin, duke e mposhtur në 3 ndeshje të serisë gjysmëfinale të Play Offit.
Ndeshja e tretë përfundoi me rezultat 95-98 në favor të Prishtinës dhe kështu u kualifikuan në finalen e madhe.
Prishtina në këtë ndeshje luajti me vetëm me shtatë lojtarë. Nuk luajti ylli i skuadrës Dardan Berisha, derisa shkëlqeu Mikaile Tmusic kundër ish-skuadrës së tij me 30 pikë.
Tmusic ishte i saktë 8 herë nga vija e treshit, derisa u ndihmua edhe nga Divine Myles që luajti me double-double prej 26 pikëve e 12 asistimeve dhe Ahmed Bashir me 25 pikë të tjera.
Te Bashkimi më i miri ishte Drilon Hajrizi me 26 pikë, 9 kërcime e 8 asistime.
Prishtina duke e mposhtur Bashkimin me rezultat 3-0 në seri, u kualifikua në finale, e cila do të përballet me fituesin nga dueli Ylli-Rahoveci.
