PRISHTINA - RAHOVECI
Prishtina fiton edhe duelin e ligës
9 March, 2019 @21:16
Dy finalistët e Kupës, Prishtina dhe Rahoveci, sonte u përballen mes vete në kuadër të xhiros së XX të Superligës së Kosovës.
Sikur dueli i Kupës, edhe ky duel u mbyll me fitoren e kryeqytetasve.
Rahoveci më shumë pikë se Prishtina shënoi vetëm në çerekun e fundit, kur dilema për fituesin veçse ishte mbyllur, ndërsa rezultati përfundimtar i këtij takimi ishte 89-70 (24-14, 26-16, 17-15, 22-25).
Divine Myles ishte lojtari më i dalluar i Prishtinës me 22 pikë, 2 kërcime e 8 asistime, kurse te Rahoveci u veçua Fredrik Richardson me 20 pikë, 9 kërcime e 1 asistim.
Pas 20 xhirove, bilanci perfekt i Prishtinës vazhdon, derisa Rahoveci momentalisht ndodhet në vendin e dytë.
