TERMINET E NDESHJEVE
Prishtina ia nis ndaj Apoelit
10 October, 2019 @10:12
Pas kompletimit të ciklit kualifikues për në FIBA Europe Cup 2019/20 dhe përcaktimit të grupeve, Prishtina ka mësuar kundërshtarët e saj për sezonin që vjen në këtë garë.
Njëjtë, aty tashmë dihen edhe terminet e ndeshjeve që do të zhvillohen, ndërsa Prishtina që është pjesëmarrëse në Grupin C të FIBA Europe Cup, do t’ia nis garës në shtëpi në përballje me qipriotët e Apoel Nicosia.
Sipas radhës, terminet për bardhekaltërit kampionë të Kosovës janë:
19:00, 23 tetor 2019, Prishtina-Apoel
20:00, 30 tetor 2019, mediBayreuth-Prishtina
20:00, 6 nëntor 2019, Ventspils-Prishtina
18:00, 13 nëntor 2019, Apoel-Prishtina
19:00, 20 nëntor 2019, Prishtina-mediBayreuth
19:00, 27 nëntor 2019, Prishtina-Ventspils.
Ajo që duket mirë, së paku pas shortit të ndeshjeve kur do të luhen, pritet që Prishtina punët më të vështira t’i lë për fund në shtëpi, ku zakonisht nën përkrahjen e madhe të tifozërisë të tyre, Plisave, e kanë më lehtë.
Në ndërkohë, kujtojmë, Prishtina në stinorin e kaluar nën drejtimin e trajnerit boshnjak Damir Mulaomerovic pat arritur që të shkruajë historinë e ekipeve kosovare pjesëmarrëse në këtë garë, duke arritur deri në fazën e PlayOffit, pasi që kishte kaluar dy faza grupore.