BARDHEKALTËR
Prishtina me fitore, në çerekfinale
3 March, 2015 @19:34
Ashtu siç edhe pritej, Sigal Prishtina është kualifikuar në fazë të tretë, çerekfinale të Balkan League, pas fitores ndaj Rilski Sportistit sonte në Pallatin e Rinisë dhe të Sporteve.
Në fakt mysafirët nga Bullgaria për të arritur pozitën e dytë është dashur që të mposhtin Prishtinën me mbi 23 pikë diferencë.
E në çerek të parë ata nisën furishëm, por një mbrojtje maestrale e Prishtinës neutralizoi gjithçka dhe më pas bardhekaltërit krijuan epërsi të lartë deri në fund të ndeshjes për të fituar me plotë meritë ndeshjen.
Julius Coles ka qenë njeriu që i ka dhënë vetëbesim të madh ekipit prishtinas në çerekun e dytë me treshet e shënuara radhazi.
Jordan Hulls ka qenë përsëri në element për Prishtinën. Amerikani ka shënuar 24 pikë dhe 2 asistime për ekipin e tij, derisa u ndihmua jashtëzakonisht edhe nga dyshja nën kosh, Julian Mavunga dhe Edin Bavcic.
Mavunga përfundoi ndeshjen me 17 pikë, 5 kërcime e 5 asistime, derisa Bavcic me double-double prej 10 pikëve e 14 kërcimeve.
Te bullgarët, më i dalluari ishte Zarko Rakocevic me 23 pikë të shënuara dhe 6 kërcime të regjistruara, derisa atij i ndihmoi edhe Anthony Gugino me 13 pikë, 3 asistime dhe 6 kërcime.
Edhe Sigal Prishtina edhe Rilski janë kualifikuar për ndeshjet çerekfinale nga Grupi D në fund. Por Prishtina del nga grupi si vend i dytë.
Statistikat ekipore
| SIGAL PRISHTINA | RILSKI | ||
| Çereku i parë | 15 | 28 | |
| Çereku i dytë | 27 | 6 | |
| Çereku i tretë | 27 | 18 | |
| Çereku i katërt | 25 | 19 | |
| Kërcime | 40 | 29 | |
| Asistime | 27 | 18 | |
| Bllokada | 2 | 1 | |
| Topa të vjedhur | 7 | 4 | |
| Topa të humbur | 10 | 10 | |
| Tentime për tre pikë | 13/24 | 7/26 | |
| Tentime nga loja | 37/62 | 28/71 | |
| Gjuajtje të lira | 7/13 | 8/10 |
Statistikat individuale te Sigal Prishtina
| 1 | Jordan Hulls | 24 pikë | 2 kërcime | 2 asistime |
| 2 | Julian Mavunga | 17 pikë | 5 kërcime | 5 asistime |
| 3 | Julius Coles | 12 pikë | 3 kërcime | 3 asistime |
| 4 | Bojan Trajkovski | 11 pikë | 2 kërcime | - |
| 5 | Edin Bavcic | 10 pikë | 14 kërcime | 2 asistime |
| 6 | Blerim Mazreku | 7 pikë | 2 kërcime | - |
| 7 | Edmond Azemi | 7 pikë | 8 kërcime | 5 asistime |
| 8 | Demontez Stitt | 6 pikë | 1 kërcim | 9 asistime |
Statistikat individuale te Rilski
| 1 | Zarko Rakocevic | 23 pikë | 6 kërcime | 2 asistime |
| 2 | Anthony Gugino | 13 pikë | 6 kërcime | 3 asistime |
| 3 | Julian Norfleet | 10 pikë | 5 asistime | - |
| 4 | Aleksandar Milov | 6 pikë | 5 kërcime | 2 asistime |
| 5 | Zlatin Georgiev | 7 pikë | 1 kërcim | 3 asistime |
| 6 | Simeon Iliev | 5 pikë | 5 kërcime | - |
| 7 | Yordan Bozov | 5 pikë | 4 kërcime | 2 asistime |
| 8 | Ljubomir Kirov | 2 pikë | 1 asistim | - |
