Prishtina gati për nesër

Sigal Prishtina thuajse 90% e ka të garantuar pozitën e dytë të Grupit D në Balkan League. 

Ndeshja që zhvillohet nesër me fillim në ora 18:00 në Pallatin e Rinisë dhe të Sporteve është ndeshja e fundit për bardhekaltërit në këtë fazë të Balkan League, derisa humbja deri në 23 pikë diferencë për kampionen e Kosovës nuk do të jetë problem - pasi që edhe kështu do ta sigurojnë vendin e dytë në klasifikim të Grupit D. 

Prishtinasit e kishin mposhtur thellë ekipin bullgar si mysafir dhe tashmë luajnë ndeshjen për të shënuar fitore prestigji karshi ekipit të Rilskit. 

Fitorja ndaj Rilskit si mysafir

Mungesa të raportuara nuk ka në asnjë skuadër, derisa Dardan Berisha nuk dihet nëse do të shfrytëzohet nga trajneri Marjan Ilievski, për shkak të një lëndimi të lehtë, që e kishte javë më parë. 

Ndeshja do të referohet nga treshja:  Radomir Vojinovic, Igor Dragojevic dhe Ognjen Jokic

REZULTATET E DERITASHME DHE TABELA AKTUALE