Jamesi nuk bëhet hero

Njëra ndër ndeshjet më të mira të stinorit është luajtur dje në Toyota Center të Houstonit, ndërmjet Houston Rockets dhe Cleveland Cavaliers.

Gjatë ndeshjes, tensioni ishte në nivel të lartë, ku kishte edhe elektrizim ndërmjet lojtarëve që përfunduan me gabime teknike.

Për ta caktuar fituesin në këtë duel, nuk mjaftuan katër çerekë dhe ndeshja u desht që të shkojë në vazhdime. 

Në sekondat e fundit të ndeshjes, derisa Houstoni ishte një pikë epërsi përpara, LeBron James, nuk arrin të shënojë asnjërën nga dy tentimet prej gjuajtjeve të lira për t’i shkuar fitorja vendasve, 105-103. 

Edhepse LeBroni nuk arriti të bëhet hero i ndeshjes, ishte më i miri tek Cleveland me 37 pikë, 8 kërcime e 4 asistime, derisa në anën tjetër, të njejtin shkëlqim e bëri James Harden, ku luajti me 33 pikë, 8 kërcime e 5 asistime.

Video

Huqjet e Jamesit

Houston-Cleveland