Ylli një hap para Play-Offit

Ylli ka dalë fitues ndaj Trepçës edhe në ndeshjen e tretë të tyre këtë stinor, që e bën ekipin suharekas të avancojë 2-1 në duelet e ndërsjella dhe të dalë përpara mitrovicasve me pikë. 

Me këtë fitore, nëse nuk ndodh ndonjë befasi e madhe deri në fund të stinorit, ekipi suharekas thuajse ka të sigurt kualifikimin për Play-Off, duke e lënë Trepçën jashtë. 

Faktori Zenelaj

Trepça i ka bërë ballë Yllit vetëm në 5 mintuat e para të ndeshjes. Më pas, seria prej 15-2 në të mirë të suharekasve ka bërë të veten dhe më ‘xehetarët’ mbetën prapa. 

Urim Zenelaj ka regjistruar një morri kërcimesh nën koshin e Trepçës, që ka qenë njëri ndër faktorët kryesor të fitores së ekipit të Yllit, derisa amerikanët shënon pikë për të mbushur koshin mitrovicas. 

Trepça në disa raste uli epërsinë e madhe të Yllit, por asnjëherë nuk e rrezikoi fitoren e ekipit të Agron Berishës, që tashmë dujket se ka bërë hapin final para Play-Offit. 

Të dalluarit

Te Ylli koshashënuesit më të dalluar ishin Najee White dhe Charles Hammork, që shënuan nga 26 pikë secili, derisa atyre i ndihmuan edhe Artin Gashi e Urim Zenelaj me nga 14, përkatësish 11 pikë të shënuara. 

Në anën tjetër, te Trepça vetëm Samir Zekiqi dhe Arian Tahiri kaluan pragun dyshifror të pikëve duke shënuar 13, gjegjësisht, 10 pikë. 

Ylli tani ka bilanc më të mirë se Trepça në duele të ndërsjella 2-1, derisa ka edhe pikë më shumë se mitrovicasit, pas ciklit të tretë të ndeshjeve në Superligë. 

Ylli përforcohet në vendin e katërt me 11 fitore e 10 humbje, derisa Trepça mbetet në 10 fitore derisa regjistroi sonte humbjen e 11-të. 

REZULTATET DHE TABELA AKTUALE

Koshashënuesit te Trepça

Koshashënuesit te Ylli