DËNIMET
Prishtina në finale, Bashkimi në dënime
8 May, 2015 @8:54
Ndeshja e ndërprerë në Prizren, gjysmëfinale e Play-Offit të femrave ndërmjet Bashkimit dhe Prishtinës, pritet t’i kushtojë Bashkimit me dënime, derisa Prishtina ecën drejt finales.
Sipas Propozicioneve të Garave, Prishtina do të duhet të fitojë ndeshjen me rezultat 20-0, që do ta dërgojë atë në finale, ndërsa Bashkimi pritet të gjobitet me rreth 500 euro për hyrje të shikuesit në sallë, si dhe dy-tre ndeshje pa shikues.
Sidoqoftë, vendimi pritet të mirret gjatë ditës nga Komisari i Garave të FBK-së, Bajrush Ademi, derisa përleshja ia la një njollë tjetër basketbollit kosovar, pas pranimit në FIBA.
Ndeshja ishte ndërprerë në çerekun e tretë, pranë rezultatit 48-61 për Prishtinën, kur pas një topi të diskutueshëm një basketbolliste e Bashkimit kacafytet me atë të Prishtinës dhe brenda sekondës krijohet tollovia që dërgon në ndrprerje të ndeshjes, pas përleshjes së basketbollisteve të të dyja palëve.
