SENZACION
Gëzim Morina me Heliosin senzacional, eliminohet Olimpija
7 May, 2015 @22:41
Basketbollisti kosovar, Gëzim Morina, po vazhdon të regjistrojë sukseset e tij në basketbollin slloven.
Ai ka arritur që me ekipin e tij Helios të eliminojë në çerekfinale të Play-Offit të elitës sllovene Olimpijën e Ljubljanës, duke i mposhtur pas një ndeshjeje dramatike, 72-69.
Helios kishte mposhtur edhe ndeshjen e parë të zhvilluar në Ljubljanë, me dy pikë epërsi 67-69, derisa sonte në terren të vetë shënuan këtë fitore të radhës të ngushtë ku Morina shënoi 6 pikë.
Te ekipi i Heliosit luan edhe ish basketbollisti i Pejës, Jan Mocnik, derisa fitorja e tyre është përshkruar si senzacion në mediat sllovene sonte.
Në gjysmëfinale të Play-Offit, Helios luan me fituesin e çerekfinales Rogaska-Grosuplje, që aktualisht është 1-1 në seri.
