Sistemi i serisë finale, Prishtina-Peja

Pasi që u përcaktua edhe data e ora e ndeshjes së parë finale, ua bëjmë të ditur edhe njëherë sistemin e ndeshjeve të serisë së finale. 

Sigal Prishtina ka përfunduar e para në klasifikim gjatë stinorit të rregullt, ndërsa Peja në vend të dytë, andaj përparësia e terrenit vendas i takon Prishtinës.

Sistemi i serisë finale është 1-1-1-1-1, ku përparsinë e terrenit vendas e ka Prishtina, pasi që ka përfunduar në vend të parë të klasifikimit gjatë stinorit të rregullt dhe seria në çdo lojë do të bartet në palestrën e ekipit tjetër, e fitues i titullit të Kosovës në basketboll do të bëhet ekipi që arrin së pari 3 fitore nga 5 ndeshje potenciale. 

Sigal Prishtina dhe Peja për herë të tretë me radhë takohen në finale të Play-Offit të Superligës së Kosovës në basketboll. 

Peja kishte fituar dy stinorë më parë 3-0 Sigal Prishtinën në finale, ndërsa stinorin e kaluar prishtinasit kishin mposhtur Pejën 3-0 në finale për të fituar titullin. 

Sigal Prishtina është mbrojtëse e titullit të kampionit, pra kampione në fuqi.