PRISHTINA
FOTO / KB Prishtina
Prishtina zyrtarizon fundorin amerikan Goods
16 January, 2020 @15:51
Para pak çastesh, kampioni i Superligës së Kosovës në basketboll, Prishtina, e zyrtarizoi fundorin më të ri të skuadrës.
Anthony Goods, ka arritur marrëveshje me skuadrën nga kryeqyteti deri në fund të sezonit.
Goods është i gjatë 191 cm dhe luan në pozitën e fundorit. Ai gjatë karrierës së tij ka luajtur për skuadrën Santa Cruz Warriors në G-League me mesatare prej 18 pikëve për ndeshje.
Ai gjithashtu ka luajtur në Superligën Izraelite, pastaj karrierën e vazhdoi në Ukrainë, Itali, Poloni e së fundi në Francë me skuadrën Nancy.
Prishtina aktualisht gjendet në pozitën e parë në Superligë me 14 fitore e 4 humbje.
