LUTZ PUSHON KATËRSHEN PEJANE
BOROZANI/Edrin Shkuliqi
Pushojnë për Levskin!
28 October, 2013 @15:15
Trajneri kroat i Pejës, Danijel Lutz, mbrëmë i ka pushuar katër basketbollistë ‘vendorë’ në ndeshjen e cilësuar si derbi lokal ndaj Besës.
E tërë kjo sipas të gjitha gjasave për t’i ruajtur ata për ndeshjen e Balkan League ku Peja do të ndeshet me Levskin e Sofjes.
Ylli shqiptar, Gerti Shima, pastaj basketbollisti më i mirë i vitit të kaluar, Drilon Hajrizi, Rron Grapci dhe qendra shqiptare, Endrit Hysenagolli - të gjithë janë lënë në bankën rezervë dhe nuk janë futur për asnjë minutë në ndeshje të cilën Peja e fitoi ndaj Besës.
Në anan tjetër, Lutz, të huajt si Fred House, Vedran Morovic dhe George Oduwufa i ka ‘lodhur’ si zakonisht.
Ndeshja ndërmjet Pejës dhe Levskit të Sofjes do të jetë ndeshja e parë e Pejës në Karagaç në kuadër të Balkan League.
Peja në xhiron e parë të Balkan League u mposht nga ekipi maqedon Kozuv, ndërsa në xhiron e dytë pushoi. Ndeshja ndërmjet Pejës dhe Levskit të Sofjes zhvillohet më 31 tetor, të enjten, duke filluar nga ora 19:00.
Tabela dhe ndeshjet e xhiros së tretë të Balkan League.
