Të gjitha lajmet

TRE XHIRO PARA FUNDIT TË KLASIFIKIMIT

Qartësohen duelet e PlayOffit në Superligë

TOPSPORI/ A. P.

Qartësohen duelet e PlayOffit në Superligë

1 April, 2019 @12:42

Tashmë, kur kanë mbetur edhe tre xhiro deri në përfundim të stinorit të rregullt të Superligës së Kosovës në basketboll, duken të qarta pozitat e ekipeve dhe vetëm ndonjë befasi shumë e madhe mund të ndërrojë renditjen e skuadrave.

PRISHTINA

E pamposhtur duke synuar rekord historik në stinor të rregullt për të përfunduar kampionatin pa humbje, shkon direkt në gjysmëfinale ku do të pres fituesin e çerekfinales së PlayOffit që del nga dueli mes pozitave 4 dhe 5.

YLLI

Me orarin që ka, vështirë se do t’ia lëshojë këtë pozitë Rahovecit dhe llogaritet si e sigurt në pozitë të dytë, që e plason direkt në gjysmëfinale të PlayOffit. Në gjysmëfinale ndeshet me me fituesin e duelit mes pozitave 3 dhe 6.

RAHOVECI

Përkundër mundit të madh dhe palestrës së re, duket se gjasat janë shuar për të arritur pozitën e dytë edhe pse matematikisht ekzistojnë. Sipas të gjitha gjasave Rahoveci do të përballet me Trepçën në çerekfinale të PlayOffit, ku ekipi që arrin dy fitore së pari kalon në gjysmfinale. Rahoveci do të ketë epërsinë e terrenit vendas.

PRIZRENI

Mund të lëviz, por vështirë që të rrezikojë pozitat 4-5 dhe kështu pritet që në çerekfinale të përballet me Bashkimin. Epërsia e terrenit vendas në këtë duel thuajse nuk ekziston, pasi që të dyja skuadrat luajnë në Sezai Surroi dhe pjesa më e madhe e shikuesve janë neutral. Fituesi i këtij dueli do të ndeshet me Prishtinën në gjysmëfinale.

BASHKIMI

Bashkimi ka orarin më të lehtë sesa Prizreni në tre xhirot e fundit dhe do të mund të përfundojë stinorin në pozitën e katërt. Por, sipas të gjitha gjasave, kundërshtari do të jetë i njejtë, rivali lokal Prizreni. Cilido ekip që arrin gjysmëfinalen do të përballet me favoritin, Prishtinën, në gjysmëfinale.

TREPÇA

E këndellur vonë dhe me shumë ndërrime në taborin e të huajve maksimalja që arriti ishte pozita e gjashtë, që nuk e bën një stinor për tu lavduar për mitrovicasit. Sidoqoftë, me përforcimet e ditëve të fundit dhe me një befasi në Mizahir Isma të Rahovecit në çerekfinale, do të mund të shpresojnë në gjysmëfinale, ku do t’i pres Ylli.

LIPJANI

Me fitoren e fundit të arritur ndaj Boreas, ekipi debutues në Superligë do të mundohet të shpëtojë stinorin përmes ndeshjes së PlayOutit. Në PlayOut Lipjani pritet të ndeshet me finalistin e PlayOffit të Ligës së Parë. Pra, ekipi që e humb finalen e PlayOffit në Ligë të Parë, do të ndeshet me Lipjanin për të shikuar mundësinë drejt Superligës. Lipjani nëse arrin të mbajë këtë formë dhe basketbollistët që ka aktualisht, s’besohet të rrezikojë statusin elitar edhe për një stinor. Kujtojmë, Lipjani ishte kampion i Ligës së Parë vitin e kaluar dhe këtë stinor ka debutuar në Superligë. Së fundi, ekipi ka bërë edhe palestrën e vetë, pasi që një pjesë të stinorit e luante në Ferizaj dhe Suharekë në ndeshjet si vendas.

BOREA

E ardhur me WildCard në elitë, ekipi i vetëm i mbetur pejan në elitë duket se nuk ka shpëtim. Kriza financiare që e goditi skuadrën në mes të sezonit e la pa basketbollistët standard të ekipit, që shkuan në ekipe tjera, por edhe pa ndihmën e të huajve. Humbjet e fundit me koshdallime tejet të mëdha, vetëm sa konfirmojnë kryerjen e Superligës për ta si humbës, duke rënë në Ligë të Parë.

ÇEREKFINALET E PLAYOFFIT. Nëse nuk ka ndërrime drastike në tabelë, duelet çerekfinale do të jenë këto: Rahoveci - Trepça (deri në dy fitore) dhe Prizreni - Bashkimi (deri në dy fitore).

GJYSMËFINALET E PLAYOFFIT. Prishtina me fituesin e duelit Prizreni-Bashkimi (deri në tre fitore) dhe Ylli me fituesin e duelit Rahoveci-Trepça (deri në tre fitore).

FINALET E PLAYOFFIT. Fituesit e ndeshjve gjysmëfinale, ku epërsinë e terrenit vendas e ka ekipi që ka pasur renditjen më të mirë në tabelë përgjatë stinorit të rregullt. Luhet deri në tre fitore.

PLAYOUT: Lipjani ndaj finalistiti të PlayOffit të Ligës së Parë (ende s’është përcaktuar).

RËNIE NGA LIGA: Borea.

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga