EURO U-18/ DIV C
Foto: fiba.basketball
Qiproja U18 siguron vendin e parë bindshëm
26 July, 2018 @14:43
Pas fitores në momentet e fundit ndaj Kosovës U18, Qiproja U18 ka mposhtur sot letësisht San Marinon U18 me rezultat 101-37.
San Marinoja përveç një çereku, nuk ka arritur të shënojë as pikë dyshifrore për tre çerekë në këtë përballje, derisa qipriotët vetëm shtonin avantazhin që arriti deri në 64 pikë në fund të ndeshjes.
Më efikasi te Qiproja U18 ka qenë Rovertos Alexandrou me 17 pikë, ndërsa 15 të tjera ka shënuar Georgios Tretiakov.
Qiproja ka siguruar vendin e parë në Grupin B, ku bën pjesë edhe Kosova U18, duke fituar 3 ndeshje nga 3 të zhvilluara.
E Kosova U18 që gjithashtu ka siguruar kualifikimin do të zhvillojë sot ndeshjen me Gjibraltarin (19:30) e eliminuar për të përfunduar në pozitën e dytë të grupit.
GRUPI B:
| 1 | Qipro U18 | 3 fitore | 0 humbje | |
| 2 | San Marino U18 | 1 fitore | 2 humbje | |
| 3 | Kosova U18 | 1 fitore | 1 humbje | |
| 4 | Gjibraltari U18 | 0 fitore | 2 humbje |
