Radhitja tabelare sipas rezultateve të pjesës pranverore

Dy skuadrat e para të Superligës, Trepça ‘89 dhe Feronikeli, ende nuk kanë humbur asnjë pikë në stinorin pranveror.

Me ndeshjet e zhvilluara sot, ka përfunduar edhe xhiroja e pestë e stinorit pranveror.

Ndryshe nga Feronikeli, Trepça ‘89 ka edhe dy fitore në dy ndeshjet e fundit të stinorit vjeshtor, që ia rrit serinë e fitoreve në shtatë fitore rresht.

Pas ‘89-shit dhe Niklit, performancën më të mirë në pranverë është duke e treguar skuadra e Besës.

Pejanët nga pesë ndeshjet e zhvilluara në pranverë, kanë shënuar katër fitore dhe kanë pësuar humbje vetëm nga liderja, Trepça ‘89.

Dy skuadrat që po gjenden në zonën e playout-it, Ferizaj dhe Drita, kanë fituar po aq pikë sa Prishtina, ndërsa më pak se këto skuadra kanë fituar pikë ekipet e mesit të tabelës si Drenica, Liria dhe Gjilani.

Zhgënjyese mbetet performanca e nënkampionit vjeshtor, Llapit, që pas 5 ndeshjeve të zhvilluara në pranverë, ka arritur të tuboj vetëm katër pikë.

Trepça është skuadra e cila ka siguruar vetëm një barazim nga këto 5 ndeshje, derisa Hajvalia ka pësuar humbje në të gjitha ndeshjet.

Radhitja tabelare sipas rezultateve të pjesës pranverore