Edhe një largim trajneri në Ligë të Parë

Humbja e pestë e ekipit në kuadër të 13 xhirove të para të stinorit, ka qenë rezultat jo i pritur si duket, ndërsa trajneri i Trepçës’89 Xhengis Rexhepi ka ndërprerë rrugëtimin e tij me ekipin në fjalë.

Njoftimin e ka bërë të ditur vetë Rexhepi në llogarinë e tij në Facebook, derisa ‘89-shi ende nuk ka publikuar as rezultatin e ndeshjes së humbur në fundjavë nga Liria e gjithsesi jo edhe ndarjen me trajnerin e tyre që nisën stinorin!

“Opinion i dashur, dua t’ju njoftoj se nuk jam më pjesë e klubit të Trepça’89. Klubit i dëshiroj suksese në vazhdim të kampionatit. Me respekt, Xhengis Rexhepi.” — ka shkruar në statusin e tij trajneri tetovar.

Trepça’89 në fundjavë u mposhtë nga Liria në Prizren me rezultat 2-0, ndërsa ekipi mitrovicas mbeti 4 pikë larg Vëllaznimit që është i treti në renditje dhe 9 ndaj lideres, Drenica!