RRJETAT NUK U TUNDËN
Pamje nga arkivi
Derbi i fundit të tabelës, baras!
9 November, 2024 @22:27
Përballje e rëndësishme për të dyja skuadrat që po luftojnë për mbijetesë në Ligë të Parë - Grupi B, por asnjëra nuk arriti të shënojë gol dhe në fund ekipet u ndanë me nga një pikë të fituar - që i largoi edhe më shumë nga zona e shpëtimit!
Flamurtari i Erdin Hashanit barazoi me Kikën 0-0 në Prishtinë sot, ndërsa skuadrat pas duelit të xhiros së XII të Grupit B janë po aty ku kanë qenë me pikë, tash me nga një më shumë në llogari. Në minutën e parë të kohës shtesë të ndeshjes (90’+1) vendasit kërkuan penallti në një pozitë pas kornerit, për prekje me dorë, por referi nuk mendoi kështu.
Kuqezinjtë e Prishtinës janë të parafundit në renditje tabelare me 8 pikë nga 12 ndeshje, ndërsa hogoshtasit nga 12 ndeshje kanë 7 pikë!
