Vëllaznimi barazon me Besa Pejën dhe bie në pozitë të tretë!

Nuk ka pasur gola në “Liman Gegaj” të Malishevës, aty ku Vëllaznimi po luan ndeshjet si vendas pasi që stadiumi i qytetit të tyre në Gjakovë po renovohet. E ky barazim pa gola ndaj Besa Pejës ka bërë që ekipi gjakovar i drejtuar nga Leotrim Krasniqi, të bie në pozitë të tretë, vetëm dy xhiro pasi që ishin liderë të Grupit A në Ligë të Parë.

Besa Peja anë anën tjetër ka kapur barazimin e tretë këtë stinor, ndërsa ka arritur në 18 pikë duke ruajtur pozitën e pestë në tabelë pas 12 ndeshjeve.

TABELA AKTUALE

Sipas raportit, Vëllaznimi ka dështuar të shënojë edhe një penallti në këtë ndeshje, që e bën më të dhimbshme përfundimtaren Vëllaznimi - Besa Peja 0-0, derisa verdhezinjtë pejanë të drejtuar nga Fisnik Gashi po vazhdojnë me lojëra të forta duke i shkaktuar telashe secilit ekip mbi ta.

Pas këtij dueli, Vëllaznimi nga 12 ndeshje ka 23 pikë dhe është në pozitë të tretë dhe në xhiron e radhës, që luhet pas pushimit të kombëtareve, pret në derbi direkt për pozitën e dytë, Trepçën e Mitrovicës. Besa Peja luan ndaj Istogut.