RAHOVECI - ACADEMIC
Rahoveci dorëzohet në çerekun e fundit
9 January, 2020 @20:48
Nënkampioni i Superligës së Kosovës, Rahoveci, u mposht nga Academic Bultex me rezultat 77-86 në kuadër të Ligës Ballkanike.
Vreshtarët në shumicën e kohës e mbajtën epërisë, por u dorëzuan në çerekun e fundit, ku skuadra mysafire me shënimet e Shakir Smithit arriti ta kthejë ndeshjen në favorin e tyre.
Smith ishte më i miri për Academic me 20 pikë, 8 asistime e 6 kërcime.
Te Rahoveci përforcimi më i ri i skuadrës, Altin Morina, në ndeshjen e parë me fanellën e vreshtarëve luajti me 17 pikë, derisa u ndihmua edhe nga Joshua McFolley me 16 pikë, Darel Davis me 16 pikë e 10 kërcime dhe Jabari Craig me 15 pikë e 14 kërcime të tjera, por nuk mjaftuan për fitore.
Kjo ishte humbja e pestë e Rahovecit dhe deri më tani ka vetëm një fitore, kurse Academic Bultex pa humbje me 6 fitore gjendet në krye të Ligës Ballkanike.