RAHOVECI - FERONIKELI
Rahoveci rimerr kreun nga Bashkimi
16 November, 2019 @22:13
Nënkampioni i Superligës së Kosovës në basketboll, Rahoveci, duke e mposhtur Feronikelin me rezultat 87-61, u vendos përsëri në krye të tabelës.
Rahoveci nga fillimi i ndeshjes e deri në fund e kontrolloi ndeshjen dhe nuk e lëshoi epërsinë në asnjë moment.
Përforcimi i ri i Rahovecit, Joshua McFolley, ishte më i miri me 21 pikë, derisa u ndihmua edhe nga Javis Howard me 17 pikë e 10 kërcime dhe Juri Gunjina me 14 pikë e 10 kërcime të tjera.
Te Nikli më të mirët ishin Arti Hajdari me 17 pikë, 9 kërcime e 6 asistime dhe Brandon Scott me 17 pikë e 9 kërcime.
Rahoveci me 9 fitore e 1 humbje gjendet në krye të tabelës, derisa Feronikeli ka bilanc prej 3 fitoreve e 7 humbjeve.
Në xhiron tjetër Rahoveci luan me Lipjanin, kurse Feronikeli me Prizrenin.
