LIGA ENDESA
Reali kampion i Spanjës
23 June, 2016 @0:37
Përkundër se Barcelona kishte përfunduar stinorin lider dhe kishte epërsinë e terrenit vendas në serinë finale të Play-Offit, Real Madrid është bërë kampion i Spanjës.
Madrilenët kanë shfrytëzuar sonte duelin e fundit në shtëpi për të përfunduar serinë në të mirë të tyre, me 3-1 në ndeshje.
Barcelona kishte fituar vetëm ndeshjen e parë në Palau Blaugrana për të marrë epërsinë e serisë 1-0 dhe pas kësaj Real i fitoi tre ndeshje radhazi për të arritur te titulli, për të 33-tën herë.
Sergio Llull me 21 pikë e 5 asistime ka qenë violina kryesore e Los Blancosve sonte, ndërsa atij i ndihmuan me nga 14 pikë të shënuara edhe Trey Thompson e Sergio Rodriguez.
Te Barcelona më efikasit kanë qenë Ante Tomic me 17 pikë e 8 kërcime si dhe Tomas Satoransky me 17 pikë e 5 asistime. Kosovari i natyralizuar Justin Doellman përfundoi ndeshjen me 7 pikë e 6 asistime.
