Referët kosovarë në ‘testin’ e fundit para FIBA-së

Në organizim të FIBA-s dhe të Federatës së Basketbollit të Kosovës (FBK) prej 24 deri më 26 Shkurt 2017 në Gjakovë do të mbahet Klinika për Gjyqtarët Kandidatë Potencial (Nacional) për thirrje të FIBA-s.

Në këtë seminar do të ligjerojnë Dragan Medan dhe Gjorgi Piperkov, instruktor të FIBA-s.

Ndërkaq gjyqtarët kandidatë potencial të FBK-së që do të marrin pjesë në këtë Klinikë janë: Daut Mehmeti, Xhelal Mumini, Elion Obërtinca, Dardan Maxhuni, Blendi Fejza, Ngadhnjim Shabani, derisa do të marrin pjesë edhe dy kandidatë të tjerë nga Bosnja e Hercegovina dhe dy nga Maqedonia, si dhe instruktori nacional, Faton Kurshumlija.

Klinika është ndarë në tri pjesë: teori, testime dhe praktikë.

Ligjeratat do të mbahen në ambientet e hotelit “Çarshija e Jupave” në Gjakovë, kurse testimet dhe ndeshjet në palestrën ”Shani Nushi” në Gjakovë.

Duhet theksuar se kjo është hera e dytë radhazi që Federatës së Basketbollit të Kosovës (FBK) i besohet një organizim i tillë, kur dihet se në shkurt të vitit të kaluar gjithashtu FIBA e pati mbajtur të njëjtën Klinikë, por që atëbotë u pati zhvilluar në Prishtinë.

24.02.2017 (E PREMTE)
ORA 15:15 - 15:30/ FITNESS TEST
Ora 16:00/U18 KALAJA - VUSHTRIA BASKET
Ora 18:15/KERASAN PRISHTINA - VLLAZNIMI (SL XHIROJA XIX)
Ora 20:30/RAHOVECI - PEJA (SL XHIROJA V )

25.02.2017 (E SHTUNE)
Ora 15:30 /U18 VLLAZNIMI - GOLDEN EAGLE YLLI
Ora 17:45 /U18 TREPÇA - PEJA
Ora 20:00 /BASHKIMI - TREPÇA (SL XHIROJA XIX), PRIZREN

26.02.2017 (E DIEL)
Ora 14:15/U18 KERASAN PRISHTINA - AS KASTRIOTI
Ora 16:30 /VLLAZNIMI – BOREA (NDESHJE MIQËSORE)
Ora 18:45 /RAHOVECI - PEJA (SL XHIROJA XIX)

Vërejtje: Në të gjitha ndeshjet drejtësinë do ta ndajnë gjyqtarët kandidatë për thirrje të FIBA-s nga Kosova dhe rajoni.